Повик за бунт против империјализмот и капитализмот на Генералното собрание на ООН
На Генералното собрание на Организацијата на Обединетите нации, сандинистичката Влада на Никарагва повика на глобален бунт против „империјалистичкиот и капиталистички систем“ заради кои „светот е закрваен“, осудувајќи ги незаконските санкции и војната, тие побараа нов светски мултиполарен поредок.
Сандинистичката влада на Никарагва ја искористи својата платформа на Генералното собрание на Обединетите нации за да повика на глобален бунт против „империјалистичкиот и капиталистички систем“ заради кој „светот е закрваен“.
„Време е да му кажеме доста на лицемерниот империјализам кој ги политизира, фалсификува и оцрнува човековите права, коишто тие самите ги кршат и негираат секој ден“, изјави министерот за надворешни работи на Никарагва, Денис Монкада.
За Монкада империјализмот не е во согласност со меѓународното право!
„Империјализмот и неговите принудни дејства се против животот, во сите сфери, и поради тоа се спротивни на меѓународното право“, – додаде тој.
Nicaragua delivered the most revolutionary speech at the UN:
— Ben Norton (@BenjaminNorton) September 26, 2022
“It’s time to reject criminal blockades; all illegal, arbitrary, aggressive sanctions,” which expose “the perversion of an imperialist and capitalist system” that is “bleeding the world dry” 🔥 pic.twitter.com/ALrbDt5hNc
Во својот говор на Генералното Собрание од 26 септември, Монкада кажа дека поправеден свет веќе се гради, а ние сме должни истиот да го поддржиме.
„Подобар, праведен, мултиполарен свет веќе се гради, а ние сме тука да продолжиме да го градиме и браниме. Време е да се каже доста, да се побуниме и да продолжиме да се бунтуваме против вроденото зло на капитализмот, кој го задушува мнозинството и брутално збогатува неколкумина“.
Министерот за надворешни работи односот на големите сили и нивните владетели ги нарече ѕверови со варварски инстинкт.
„Време е да се надмине егоизмот кој убива милиони човечки суштества во светот подложни на суровост, глад и екстремната сиромаштија, од варварските инстинкти на ѕверовите на големите сили, кои се обидуваат да продолжат да владеат и да го овековечат нивното владеење на сметка на глад, недостаток на здравствени услуги, уништување на климата, незнаење, војни“.
Монкада смета дека е неопходно да се прекине политиката на водење санкции, заради тоа што поради истата, најмногу трпат сиромашните луѓе.
„Време е да продолжиме да ги отфрламе криминалните блокади, агресиите на таканаречените санкции, кои се незаконски, произволни, и неморални. Тие јасно ја покажуваат изопаченоста на империјалистичкиот и капиталистичкиот модел и систем, кои продолжуваат да го казнуваат овој закрвавен свет, додека организациите кои треба да го бранат само гледаат и не прават ништо“.
На крајот од излагањето во Генералното собрание на ООН, Министерот додаде дека државите во односите на меѓународната сцена траба да бидат суверени и еднакви.
„Време е да се направи важен принципот на суверената еднаквост на државите во сите меѓународни организации и форуми, за мултиполарен и неврзан свет по кој толку копнеевме да биде реалност, да може да се зајакне, да расте и да не’ вклучи сите нас.
Време е да се изгради свет на дијалогот и мирот, на правдата и солидарноста, на братството и добрата волја“.
Nicaragua’s Sandinista government at the UN 🔥
— Ben Norton (@BenjaminNorton) September 26, 2022
“It’s time to say enough is enough, to rebel against the innate evil of capitalism, which suffocates the majority while brutally enriching the few”
Reject “the hypocritical imperialism” that violates human rights “on a daily basis” pic.twitter.com/TeVxR0w7KO
