Захарова: Со нападот во Јемен САД ги зголемуваат тензиите на Блискиот Исток
- Коментар на Официјалната претставничка на Министерство за надворешни работи на Руската Федерација Марија Захарова во врска со ситуацијата во Јемен како дел од брифинг (Москва, 12 јануари 2024 година)
Според достапните информации, ноќта на 12 јануари илегалната меѓународна коалиција предводена од Соединетите Американски Држави и Велика Британија извршила ракетни и бомбашки напади врз голем број цели во Јемен контролирани од движењето Хути Ансар Алах. Конкретно, има извештаи за бомбардирање на областите на аеродромите Сана, Ходеида и Таиз и пристаништето Миди во провинцијата Хаџа. Како одговор на овие напади, Хутите ја објавија својата намера да извршат одмазднички напади против американски цели во регионот.
Се потврдија нашите стравови дека позицијата на САД во Советот за безбедност на ООН за Црвеното Море е само изговор за натамошна ескалација на тензиите во регионот. Силно ги осудуваме овие неодговорни постапки на Соединетите Американски Држави и нивните сојузници.
Голема воена ескалација во регионот на Црвеното Море може да ги смени позитивните трендови што се појавија неодамна во процесот на решавање на Јемен, како и да предизвика дестабилизација на ситуацијата во целиот регион на Блискиот Исток.
Како што предупредивме, за да ја оправдаат својата агресија, Англосаксонците се обидуваат да ја искористат резолуцијата 2722 на Советот за безбедност на ОН, усвоена еден ден претходно, под изговор дека ќе ја обезбедат безбедноста на пловидбата во Црвеното Море. <…>
Ја повикуваме меѓународната заедница најостро да го осуди нападот врз Јемен преземен од група земји без мандат на ОН. Ја споделуваме загриженоста изразена од нашите регионални партнери, особено од Саудиска Арабија, и повикуваме на интензивирани меѓународни напори за да се спречи понатамошна ескалација на ситуацијата.
Поаѓаме од фактот дека оваа авантура на силите на илегалната коалиција претставува директна закана за глобалниот мир и безбедност. Водени од ваквото разбирање, побаравме итно свикување на седница на Советот за безбедност, од чии говорница ќе бидат искажани нашите принципиелни оценки за овие незаконски дејствија.
