Путин: Руската економија се развива – Европската стагнира

Русија е земја што ги задоволува сите свои потреби, која е силна и оди напред – ова е најважниот резултат во минатата година, изјави рускиот претседател, Владимир Путин. Според рускиот претседател, најсилните европски економии стагнираат, додека руската економија е во период на експанзивен развој.

„Сите имаат проблеми над главата, неспоредливи се со нашите проблеми. Дури и водечките економии во Европа минуваат низ тешки времиња, ние растеме, а тие паѓаат. Нема да навлегуваме во детали, не сме среќни поради тоа, не се радуваме на тоа. Но, фактот останува факт. Излегува дека нивната зависност од нас е поголема од нашата зависност од нив.“

Во продолжение Владимир Владимирович додаде дека руската економија е целосно самоодржлива благодарејќи пред се на природните ресурси со кои располага земјата.

„Главната работа е што се покажавме себеси и пред целиот свет, што е исто така важно, дека Русија е самодоволна земја во секоја смисла на зборот. Силни сме и се движиме напред, самоуверено гледајќи напред. Ова е апсолутно најважниот резултат од минатата година“, рече Путин за време на состанокот со жителите на градот Анадир во Чукотка.“

Рускиот претседател Владимир Путин е на работна посета на автономната област Чукотка, која се наоѓа на крајниот исток на Русија, пренесува „Спутник“.