Лавров: Западот владееше со светот повеќе од пет века – Оваа ера е завршена

• Извадок од интервју на Министерот за надворешни работи на Руската Федерација Сергеј Лавров за телевизискиот канал „RT“ (Москва, 15 ноември 2023 година)

Прашање: Претседателот на САЛ Џо Бајден неодамна изјави дека целта на Вашингтон е да изгради нов светски поредок за „целото човештво“. Како би го коментирале ова?

Сергеј Лавров: Ова е комплекс на супериорност и недостаток на анализа на ситуацијата. Западот владееше со светот повеќе од пет века. Оваа ера е завршена. Ќе биде потребно време за мултиполарност да го замени. Веќе почна да се обликува. Се појавија нови центри на економски раст, финансиско и политичко влијание и воена моќ – Кина, Индија, Иран, земјите од Персискиот Залив, групите за интеграција на Латинска Америка, вклучително и СЕЛАК. Сите тие сакаат да играат голема улога.

Американците ја злоупотребуваат улогата на доларот и еднострани санкции. Тие преку ноќ ги поништуваат сите принципи на кои го изградија својот модел на глобализација, повикувајќи ги сите да се приклучат – презумпција на невиност, неповредливост на приватна сопственост, слободна трговија.

Американците измислуваат „правила“ кои, како инсистираат, секој мора да следи (се додека тие „правила“ се во американски интереси). Штом другите земји станат поефикасни од самите САД, правилата веднаш се менуваат.

Оваа ера е при крај поради новите светски центри на економска, воена, политичка моќ и влијание.

Процесот на формирање на нов светски поредок ќе потрае. Ова може да биде цел историски период.