Зеленски се плаши дека ќе биде напуштен од Западот

Во телевизиско интервју кога новинарката Наталија Мосеичук го праша Зеленски дали конфликтот треба да се префрли на територијата на Русија, претседателот одговори: „Тоа би повлекло голем ризик, ќе останеме сами“.

Освен тоа, Зеленски не исклучи дека промената на раководството во САД би можела да го натера Вашингтон да се откаже од своите меѓународни обврски.  „Постојат неколку елементи кои можат да ја поделат американската поддршка, а еден од нив се изборите“.  Во таа смисла, Зеленски ја повика Украина да созрее и да знае дека „во одреден момент може да биде сама; партнерот може да се одвои од Украина поради одредени внатрешни или политички или изборни процеси“.

Тој, исто така, инсистираше на тоа дека Киев е подготвен за „долга борба“ против Москва, истакнувајќи дека украинскиот конфликт може да се претвори во нешто слично на израелскиот.  „Подготвени сме да водиме долга војна без да трошиме луѓе. Со минимизирање на жртвите, како Израел, кој вклучува помош на САД во оружје, обука, финансии и слично“.

Тој додаде дека договорот нема да биде раскинат дури и ако Џозеф Бајден не победи на претседателските избори.