Левица: Касами не дозволува македонските клубови да го користат стадионот

• Реакција на Политичката партија Левица

Етнотрибалистичките испади на градоначалникот од Беса, Касами, не престануваат. Од ФК ТЕТЕКС денес објавија дека уште од февруари не им е дозволено да ги користат стадионите во Тетово, а ексклузивно право има ФК Шкендија.

Кога анти-државната Беса нема што да понуди за граѓаните, прибегнува кон етношовинизам, па така само ФК Шкендија има право да ги користи градските стадиони, додека ФК ТЕТЕКС и ФК ЉУБОТЕН не добија ни образложение зошто не смеат да ги користат стадионите.

После скандалозно организираниот пречек на Курти од страна на Касами, не е изненадувачки ваквата дискриминација кон македонските клубови, од страна на потрошени политичари заглавени во идеи од минатиот век.

Левица го осудува ваквото однесување на Општина Тетово и Касами, особено во спортот и ќе ги поддржи македонските клубови на протест против локалната власт за ваквото самоволие!