YouTube го забрани Скот Ритер

YouTube го укина профилот на  Скот Ритер, аналитичар и поранешен разузнавач на американскиот марински корпус чија служба во текот на 20-годишната кариера вклучуваше должности во поранешниот Советски Сојуз и ги избриша сите негови видеа на платформата.

Ритер е познат по своите геополитички анализи и ставови кои не се совпаѓаат со оние на колективниот Запад.

Според Ритер, гигантот на социјалните мрежи во сопственост на Google го обвини неговиот канал за кршење на условите за користење.

Пишувајќи на X (порано познат како Твитер), Ритер изјави дека неговиот канал „Шоуто на Скот Ритер“, преку кој се обидел да „увезе руски гласови на американската/западната публика“, бил означен за „говор на омраза“. Каналот му е одземен без никакво претходно предупредување.

„Никогаш немаше говор на омраза вклучен во ниту една од епизодите на „Шоуто на Скот Ритер“, освен ако не се гледа уникатната содржина која не им одговара“.

„Ова претставува жива манифестација на болеста русофобија која ја зафати Америка и платформите на социјалните медиуми со седиште во САД“, напиша тој.

Во посебна објава, Ритер истакна дека покрај неговиот канал, YouTube го избриша и каналот „Прашај го инспекторот“, тврдејќи дека овој потег е „последен напор на YouTube да го отстрани и минимизира мојот глас и гласот на моите гости како и на луѓето кои одвоија време да поставуваат прашања за актуелните прашања на денот“.

„Оние кои стојат зад ова треба да знаат – нема да успеете“, рече Ритер, додавајќи дека постои „огромен свет на социјалните медиуми“ надвор од YouTube, истовремено предупредувајќи ги оние што остануваат на платформата дека во одреден момент ќе мора да се усогласат или каналите ќе им бидат и нив избришани.

Ритер изјави дека „двата канала:  „Прашајте го инспекторот“ и „Шоуто на Скот Ритер  се селат на друга платформа, Rumble“.