Калифорнија без пари за ветените обештетувања на Афроамериканците
Во Калифорнија беше формирана Работна група за обештетување, која предложи да се плати до 1,2 милиони долари на секој Афроамериканец на државата, што ги исполнува условите како „помирување“ за нивното ропство и дискриминација на нивните предци. Оваа Работна група е формирана од гувернерот Гевин Њусом кој сега се најде во пат позиција бидејќи државата нема пари за исплата.
Препораките на работната група ќе бидат доставени до законодавниот дом на Калифорнија, кој потоа ќе одлучи дали да ги спроведе мерките и да ги испрати до Newsom за потпишување како закон.
Работната група препорачува обештетување според различни видови историска дискриминација.
На пример, афроамериканците кои биле дискриминирани од банките со нивните политики за „црвена линија“ (негирајќи им финансиски услуги како заеми или картички) би добиле 3.366 долари за секоја година што живееле во Калифорнија од раните 1930-ти до крајот на 1970-тите. Вкупно до 148.099 долари по човек.
Слично на тоа, афроамериканците би можеле да добијат приближно 2.352 долари како компензација за прекумерна полициска сила и масовно затворање за секоја година кога живееле во Калифорнија помеѓу 1970 и 2020 година. Тоа би изнесувало 115.260 долари.
Работната група, исто така, препорачува да се дадат нешто помалку од 360.000 долари по човек на приближно 1,8 милиони Афроамериканци во Калифорнија чии предци биле поробени во Соединетите држави.
Кога ќе се пресмета сето ова, од овие и други плаќања вклучени во планот, Афроамериканец од Калифорнија кој има 71 година и цел живот живее во таа држава, би можел да добие и до 1,2 милиони долари.
Високи претставници на државата Калифорнија истакнуваат дека дури и кога била формирана Работната група, сите знаеле дека државата нема пари да плати обештетување.
