Путин: Африка ќе стане еден од лидерите на новиот мултиполарен светски поредок

По пристигнувањето во Москва и остварувањето на првите средби помеѓу Претседателот на НР Кина, Си Џинпинг и претседателот на Руската Федерација Владимир Путин, јасно беше дека ќе се разговара за актулните случувања на светската политичка сцена, како и за изградбата на т.н. нов мултиполарен свет.

Во таа насока, претседателите разговарале и за земјите кои во време на Студената војна му припаѓаа на Третиот свет, а главна улога беше ставено на африканските држави, кои голем дел од својата историја го поминаа колонизирани од империјалистичката моќ да империите од Западот.

„Африка ќе стане еден од лидерите на новиот мултиполарен светски поредок. Африканските земји се стремат да водат независна и суверена надворешна и внатрешна политика, самостојно да ги решаваат своите понекогаш тешки проблеми“, изјави Путин.

Рускиот претседател додаде дека за Русија и африканските земји, како и земјите од Блискиот исток и Јужна Америка, заедничко е спротивставувањето на неоколинијалната идеологија наметната од Западот.

„Русија и африканските земји ги поддржуваат нормите на моралот и социјалните принципи традиционални за нашите народи, спротивставете се на неоколонијалната идеологија наметната однадвор Патем, многу држави од Азија, Блискиот Исток и Латинска Америка се придржуваат до слични позиции“.