Небензја: Ова е војна на колективниот Запад против Русија

На состанокот на Советот за безбедност при ООН, шефот на украинската делегација Серхиј Кислица и неговите колеги од Западните земји, па дури и некои од претставници на Светската организација уште еднаш ја обвинија Русија за злосторствата во Украина. Но, како одговор на овие обвиненија руските дипломати одново доставија докази за злосторствата вршени од националистите, украинската војска и од фашистичката организација АЗОВ.

„Денес ова не е војна во Украина како што велите вие. Ова е војна на колективниот Запад против Русија! Како само да го чекавте овој момент за да започне со репресијата против Русија. А ако зборуваме за светската војна, тогаш таа несомнено се води денес на економски план. Не се сомневаме дека сте се подготвувале за тоа. Брзината со која беа лансиран сите мерки не оставаат сомнеж дека за ова се подготвувавте однапред и многу порано“, рече Василиј Небензја, постојан претставник на Руската Федерација во ООН.

Само Европската Унија воведе 5 пакети санкции за период од 2,5 месеци и сега работи на шестиот, но не е можно да се постигне консензус меѓу сите 27 членки поради приговорите од неколку држави на плановите за забрана на увоз на Руските енергетски ресурси поради големата зависност од нив.

Небензја го осуди својот колега за грабежи извршени на руските државјани ширум светот. Тој потсети дека покрај безбројните санкции и забрани кон Русија, одземањето на приватните имоти од руски државјани кои немаат никаква врска со специјалната војска операција во Украина, нема никаква допирна точка со меѓународното приватно право.

Западните земји, изминатиот период замрзнаа сметки на руски државјани во вредност од 300 милијарди долари.

„Денес, маските штотуку се симнати. За кое меѓународно право зборуваш? Тоа не е ни наредба заснована на правила што сте ги измислиле. Тоа не е ни колонијализам. Ова не е ништо друго освен елементарно беззаконие и грабеж!“, – изјави тој.

Претходно, рускиот министер за надворешни работи Сергеј Лавров во интервју за каналот Ал Арабија, изјави дека Западните „пријатели“ од Русија (од сметките на Гаспром во западните банки) ги украле парите што всушност тие самите ги платиле за гас. Поради ова Москва беше принудена да ја промени шемата за плаќање на руските енергенси.

Небензја во излагањето пред Советот за безбедност додаде дека Западот ја користи Украина исклучително за борба против Русија.

„Има лукави луѓе и земји кои долго време сонуваа да ја претворат Украина во отскочна даска за битката со Русија. Откако Украина се стекна со независност пред 30 години тие ова го прават и политички, и идеолошки. Денес тие продолжуваат да го прават тоа, пумпајќи ја Украина со оружје“, додаде Небензја.