Прилепската болница повторно заборавена за награда на здравствените работници

Прилепската болница, ЈЗУ Општа болница „ Борка Талески “, намерно или не, по втор пат заборавена, иако владата издвои 54 милиони денари за награда на сите здравствени работници, кои се вклучени во третманот на пациентите со Ковид 19, наменети за вработените во Ковид центрите во Скопје и во болниците во останатите градови низ Македонија.

Вработените револтирани, реагираат дека награди добиле само партиски вработени поединци и блиски на власта, а не целосните служби и одделенија во болницата.
Исто така, потенцираат дека, не им се исплатени дежурства, ноќни смени, па дури и стаж за месец јануари.
Дали Министерство за здравство, има воопшто префрлено средства за награда на здравствените работници во прилепската болница!?Прашање до директорот на ЈЗУ „Борка Талески”, Др. Драган Богоевски – која е причината за неисплатени награди, дежурства, ноќни смени и стаж за месец јануари?

Реакција на Левица – ЛО Прилеп