„Црвениот Поет“ бојкотиран од „шарените“

„Црвениот Поет“ е мини-серија во македонска продукција за поетот и револуционер Коста Солев Рацин која заврши со снимање во 2016 година. Иако серијата го помина и процесот на пост-продукција и е подготвена за емитување со тоа се одолговлекува речиси година дена.

„Црениот Поет“ е финансирана од Агенција за Филм при Министерството за Култура и за тоа даночните обврзници платиле 23 милиони денари. Проектот уживаше поддршка дури и од самата (тогашна) министерка за култура Канческа-Милевска.

Иако во серијата Кочо Рацин не е претставен само како заљубен поет, туку, се обрнува големо внимание на неговите револуционерни комунистички активности, министерството за култура под управа на ВМРО-ДПМНЕ го одобри и финансираше проектот. Денес, кога наводно левичарската СДСМ е на власт, работата е изменета. Со промена на власта емитувањето на серијата, кое беше ветено од МРТВ, се одолговлекува со месеци.

Антропол дознава неофицијално од вработени во МРТВ дека серијата се блокира поради нејзината содржина. Поточно, поради прикажувањето на теророт кој е вршен на овие простори од страна на монархо-фашистичката влада на Бугарија, за време на Втората Светска Војна. Наводно, поради добрососедскиот договор со Бугарија, владата на СДСМ врши притисок да не се емитува нешто што би одело против новите ревидирања на историјата.

Ако овие информации се вистинити тоа би значело дека владата поради некомпетентната дипломатска „стратегија“ жртвува не само 23 милиони денари од нашите даноци туку и врши културна и историска цензура.