Доајенот на кинеската поезија Флоренс Чиа-јинг Јех почина на 100 години
Флоренс Чиа-јинг Јех, позната и како Је Џиајинг, престижна научничка на класичната кинеска поезија, почина на 100-годишна возраст во неделата, според Универзитетот Нанкаи во Тијанџин, каде што работела со децении.
Јех посвети повеќе од 70 години на предавање, истражување и промовирање на класичната кинеска поезија и во Кина и на меѓународно ниво. Дури и во нејзините 90-ти, таа продолжи со академските определби. Многу истакнати писатели, вклучувајќи ги Кенет Хсиен-јунг Паи и Хси Му-јунг, беа меѓу нејзините ученици.
Роденa во книжевно семејство во Пекинг во 1924 година, Јех почналa да учи класична поезија на млада возраст. Таа ја започна својата професорска кариера во 1945 година, а подоцна предаваше на универзитетите во Кина, Тајван и САД пред да се насели во Ванкувер, Канада во 1969 година. Таа беше постојан професор на Универзитетот во Британска Колумбија и член на Кралското друштво на Канада.
Во 1979 година, Јех се вратилa na кинеското копно за да држи предавања за време на празниците. Таа живееше и работеше на Универзитетот Нанкаи во последните децении. Во 2018 и 2019 година, Јех ги донираше целата своја заштеда и заработка – 35,68 милиони јуани (околу 4,93 милиони американски долари) – на Универзитетот Нанкаи за поддршка на истражувањето за традиционалната кинеска култура.
Јех беше широко почестена во текот на нејзиниот живот, добивајќи признанија како што се „Награда за животно достигнување во кинеската поезија“, „Највлијателни странски експерти во текот на 40 години од реформите и отворањето на Кина“, „Наградата за пријателство на кинеската влада“ за 2019 година и „Лице на годината за трогателна Кина 2020“, меѓу другото.
И покрај нејзините многубројни достигнувања, Јех најмногу ја негуваше титулата „учител“. „Ако има живот после ова, би избрала повторно да бидам учителка, а сепак да предавам класична поезија“, рече Јех на нејзиниот 90-ти роденден.
