На Украина и остануваат уште 30 дена за офанзива

Според високиот американски генерал Марк Мили, на Украина и остануваат уште 30 дена пред временските услови да ја нарушат нејзината контраофанзива.

Во интервју за Би-Би-Си, тој рече дека постудените услови може да го отежнат маневрирањето на Украина.

Украинската офанзива одеше побавно од очекуваното, призна Марк Мили, додавајќи дека е премногу рано да се каже дали контраофанзивата не успеала, бидејќи Украина „напредува со многу стабилно темпо низ руските линии на фронтот“.

Целата котраофанзива на украинците е пролонгирана, но и забавена и се сведува на фактот дека пробив има само на едно место наречено Работино.

„Интересно е што приказната се сведува на тоа како е заробен Работино, тоа е всушност единствениот успех на целиот фронт каде што се борат Украинците. Работино е место кое некогаш имало околу 15.000 жители, а сега нема ниту еден. Опкружен е со ридови, и планини. На тие ридови има руска артилерија, а кога украинските сили ќе влезат внатре, Русите ги покриваат со артилерија и им нанесуваат големи загуби – потенцираат независни аналитичари.

Проблемот на Украина е недостатокот на луѓе, а што се однесува до огромните донации на тенкови и оружје, има се помалку луѓе кои можат да го прифатат тоа оружје. Украина даде многу, многу жртви во оваа година и пол војна, а згора на се, сè уште доживува критики од Западот дека не се бори доволно добро.

Дека нешто се менува на меѓународната сцена е фактот дека Русија ја пофали декларацијата на Групата 20 која директно не ја критикуваше Москва за нападот на Украина. Потсетуваме, учесниците на самитот на Г-20 во Њу Делхи во саботата усвоија декларација во која не се споменува осуда на Русија за војната, туку ги повикуваат сите земји да не користат сила за да заземат територија.