(Видео) Коавтор на францускиот предлог: Власта во Скопје лаже дека предлогот е модифициран за да го убеди народот да прифати

Лидерот на Демократска Бугарија, Христо Иванов, кој има имиџ на умерен политичар во дебата на Бугарската национална телевизија оценува дека нема никакви промени во предлогот што францускиот претсдател Емануел Макрон го нарече нов, а македонските власти велат дека е модифициран.

Иванов кој важи за коавтор на францускиот предлог, смета дека македонскиот премиер Ковачевски, претседателот Пендаровски, како и министрите Османи и Маричиќ, лажат дека се работи за нов подобар предлог само за да го убедат народот тој да биде прифатен.

Според Иванов, во наредните најмалку десетина години на преговори, Бугарија со предлогот ќе може постојано да притиска за да и се прифатат барањата од страна на Македонија. Тој смета дека Бугарија ќе мора да инвестира во македонската култура и образование.