(Видео) „Пуши к*р, оле, оле“ – Незгодна порака од кумановци до државниот секретар во МВР по трагедијата во Кочани

На натпреварот помеѓу МКК Куманово и КК Чаир, одржан на 30 март, навивачите на кумановскиот клуб упатија вулгарна, но јасна порака до актуелниот државен секретар во Министерството за внатрешни работи, Сашо Петрушевски.

Со извикување на скандирање од типот „Пуши к*р, оле, оле“, кумановските навивачи го изразија својот револт, директно посочувајќи го Петрушевски, кој потекнува токму од Куманово и долги години е активен во локалната политика и јавни функции. Оваа појава доаѓа во контекст на трагедијата во Кочани, која остави длабоки траги во јавноста, а очигледно и кај навивачката база во Куманово.

Сашо Петрушевски е дел од владејачкиот кадар на движењето ЗНАМ, а во својата биографија има долгогодишно искуство како локален функционер – меѓу другото, бил претседател на КК Куманово, претседател на Општинскиот сојуз на спортови, советник во Советот на Општина Куманово, директор во ЈП „Чистота и зеленило“ и директор во ЕСМ – Подружница Куманово.

Самиот факт дека ваква реакција доаѓа од негови сограѓани, со кои дели и спортско минато, укажува на сериозен пад на довербата во институциите и на зголеменото незадоволство во јавноста поради тоа што, и покрај трагичниот настан во Кочани, досега нема преземена одговорност од ниту еден висок функционер од МВР.

Навивачите, кои често знаат да бидат барометар на расположението меѓу народот, испратија порака која не може да се игнорира. Во време кога граѓаните бараат неселективна правда и морална одговорност, ваквите изливи на гнев треба да бидат аларм – не само за Петрушевски, туку и за целото раководство на МВР и владините структури.

И додека институциите молчат, улицата и спортските трибини зборуваат – гласно и без задршка.

Пораката на навивачите од Куманово до Петрушевски слушнете во видеото во продолжение, околу 19 минута: