Богевски: Пиарот не прочистува загадена вода – Жестока критика за директорката од ЗНАМ по скандалот со загадувањето на Крива Река

По неодамнешната прес-конференција на директорката на инспекторатот од редовите на партијата ЗНАМ, Гиновска, јавноста е сведок на уште едно деградирање на институционалната одговорност и професионалност во Република Македонија. Како што прецизно посочи Круме Богевски, она што требаше да биде момент за транспарентност и отчет, се претвори во фарса со непријатни гестикулации, читање под притисок и избегнување на суштинските одговори.

Наместо конкретни податоци, директорката – со очаен обид за евтин пиар – одбра да демантира наоди без да приложи ниту еден валиден доказ, ниту резултат од физичко-хемиски испитувања. На директно новинарско прашање за вистинските мерења на загаденоста на водата во Тораничка и Крива Река, таа немоќно одговори дека „не биле такви какви што беа презентирани“, но не приложи ништо за да ги демантира доказите. Апсолутно ништо.

Ова не само што е навреда за интелигенцијата на јавноста, туку и сериозно загрозување на јавната безбедност. Резултатите добиени од испитувањето на независна лабараторија јасно покажуваат дека на денот на инцидентот – 14 март 2025, како и на 15 март – водата била од петта класа. Тоа значи: целосно насоодветна и загадена за било каква употреба, со концентрации на олово и други штетни материи кои ги неколку кратно надминуваат минималните токсични нивоа за водениот живот.

Но, додека реките се полнат со отрови, говорниците се полнат со партиски флоскули.

Богевски со право прашува: како може јавноста да им верува на политички деманти без факти, кога вистинските мерења зборуваат спротивното? Како може лице со искуство од партиски кабинети и маркетинг да води институција што треба да ги штити природата и здравјето на граѓаните? Одговорот е едноставен – не може.

Овој случај е уште еден алармантен доказ зошто политичките поставувања на непрофесионални кадри се директна закана за јавниот интерес. Не се работи само за неспособност, туку за активно прикривање на вистината, за премолчено соучесништво во еколошки скандал кој има потенцијал да остави долгорочни последици врз целата заедници во регионот и пошироко.

Одговорност мора да има – и мора да биде брза, јавна и конкретна. Оставка не е само морална обврска, туку и единствен логичен чекор кога некој ја злоупотребува функцијата за да брани партиска агенда, наместо здравјето на народот.

Оваа ситуација е пораз не само за инспекторатот, туку и за секој граѓанин кој верува дека институциите постојат за да го заштитат. И сѐ додека на чело на клучните органи стојат лица избрани по партиска линија, а не по компетентност, ќе гледаме повеќе прес-конференции полни со празни зборови – и уште попразни резултати.

Статусот на Круме Богевски во го претставуваме во целост: