Аврамовска: Борбата против корупцијата не почнува од подрумот на Левица, туку од палатите на ДПМНЕ

Виолета Аврамовска со остар коментар ја критикува владата на Христијан Мицкоски, укажувајќи дека „борбата против корупцијата“ која премиерот ја најавува, започнува од погрешен адреса – подрумот на Левица, додека очигледно ги заобиколува милионските имоти на сопствената партија и блиските функционери.

„Браво бе премиере, ја почнавте војната со корупцијата од подрумот што го купила Левица. Се надевам вака храбро ќе ја прочешлате и белата палата и целиот имот на вашата партија кој вреди 10 милиони евра“, напиша Аврамовска.

Таа директно го повика премиерот да покаже иста храброст кога се работи за имотите на ДПМНЕ, особено спомнувајќи ја дивоградбата на Сашо Мијалков во охридската населба Горица. Потсетува дека токму во времето кога Груевски – прв братучед на Мијалков – беше премиер, била издадена дозвола за изградба на хотел, која сè уште не е поништена.

„Кога Владата, министерот Александар Николоски и градоначалникот Кирил Пецаков ќе го поништат договорот за градба на хотелот во Горица, издаден од вашата партија?“, прашува Аврамовска, потсетувајќи дека фирмата зад спорниот објект, „Дивелоп Груп“, е во сопственост на Сашо Мијалков.

Аврамовска упатува и ироничен коментар за начинот на кој Мицкоски ја води државата: „Ви пишувам вам, очигледно вие сте и законодавна, и извршна и судска власт во севернава. Човек за сѐ. Барем така настапувате во јавност.“

На крајот, таа го поставува и прашањето кое често се слуша во јавноста кога ќе се спомнат случаи на висока корупција: „P.S. Заев кога во апсаана?“

Нејзиниот статус ви го пренесуваме во целост: