Римска книга стара 2.000 години се најде на топ листите за бестселери во Европа

Новопреведената верзија на „За животот на цезарите“, приказна исполнета со озборувања за ескападите на римските императори, се најде на топ листите на бестселери 2.000 години откако беше првпат објавена.

Во „За животот на цезарите“, напишана од историчарот Светониус во вториот век, сè третираат сочни приказни за политички погрешни чекори, секс скандали и ексцентрични однесувања, сето тоа извонредно детално забележано.

По 2.000 години откако беше првпат напишана, оваа сензационална книга повторно се враќа на сцената, благодарение на новиот превод на Том Холанд – ко-водител на подкастот „Остатото е историја“.

Оваа верзија на класиката, објавена на 13 февруари, се најде на листата на бестселери, означувајќи големо достигнување за Penguin Classics, кој забележува дека е првпат една од нивните класични книги да се појави на табелата.

Холанд смета дека популарноста на книгата има врска со нејзините безвременски теми. „Нашето разбирање за моќта произлегува од Рим повеќе од каде било на друго место“, изјави Холанд. „ Американскиот републикански систем беше моделиран според системот на антички Рим, каде секогаш постоела загриженост дека републиканскиот систем може исто така да заврши како автократија“.

„За животот на цезарите “ на Светониј (позната како Дванаесетте римски цареви) ни нуди живописни и често озборувачки портрети на првите 12 римски императори, од Јулиј Цезар до Домицијан.  Книгата е збир од дванаесет биографии на Јулиј Цезар и првите 11 императори на Римската империја. Делото е напишано во 121 година од нашата ера, за време на владеењето на императорот Адријан, било најпопуларното дело на Светониј, во тоа време личен секретар на Адријан, и е најголемо меѓу неговите зачувани списи.Дванаесетте Цезари се сметале за многу значајни во антиката и остануваат примарен извор на римската историја. Во книгата се зборува за значајниот и критичен период на Принципот од крајот на Републиката до владеењето на Домицијан.

Објавувањето на книгата доаѓа 18 месеци откако антички Рим беше ставен во центарот на вниманието на поп културата, благодарение на таа многу важна објава на социјалните мрежи што стана вирална: колку често мажите размислуваат за Римската империја? Холанд верува дека сме толку фасцинирани од Рим поради неговото долгогодишно влијание врз западното општество: „Се чувствуваме поблиски со Римјаните, можеби, отколку со Египќаните или Асирците“, објаснува тој.