(Видео) Левица: Ќе поднесеме интерпелација за потпретседателот на Собранието, Антонио Милошовски
Прес-конференција на пратеникот од Левица, Реџеп Исмаил ХАКТАН, по повод најавената интерпелација против Антонио Милошоски кој заедно со Фатмир Битиќи учествуваат на четвртиот самит на ИПАК (најголема неформална група на пратеници која дејствува како одговор на кинеското ширење на интереси во светот):
„Учеството на потпретседателот на Собранието на Република Македонија Антонио Милошевски на овој т.н. Самит за Кина во Тајпеј е дипломатски несмасно и неумесно, а во крајна линија со потенцијал дополнително да ја загорзи меѓународната позицијата на Македонија.
Самото членување на пратеници од нашето Собранието во оваа неформална т.н. Интерпарламентарна алијанса за Кина е неприфатливо и надвор од рамките на политиката на Кина, која впрочем е и официјална позиција на Република Македонија произлеена токму од важечките одлуки на ова Собране.
Активностите на оваа Алијанса не се насочени кон унапредување на билатералните односи за економска или друга слична соработка, а најмалку се од интерес на Македонија! Оваа Алијанса е само алатка за провокација на Народна Република Кина со тоа што нејзините активности се во насока на поддршка и промоција на сепаратизмот и сецесионизмот во Тајпеј.
Потсетуваме дека во едно не така далечно минато, поради слична авантура со Тајван, со слични непотребни и беспредметни непријателски и малициозни политички одлуки против Народна Република Кина (земја која секогаш давала принципиелна поддршка на Македонија) Влада предводена токму од ДПМНЕ направи безбедносна штета која влијаеше во 2001 година да биде загрозен и доведен во прашање самиот опстанок на државата.“
