Археолозите пронајдоа остатоци од римски објект на локалитетот Свети 40 Севастиски маченици кај Бања Банско
Ова година се реализираше проектот “Археолошки истражувања на црквата Св.40 Севастиски маченици кај Бања Банско”. Археолошките истражувања беа под раководство на Д-р Душко Цветанов – археолог виш кустос од НУ Завод за заштита на спомениците на култура и Музеј – Струмица.
Струмица бил важен духовен и културен центар во минатото. Ова го покажуваат и најновите наоди на локалитетот Свети 40 Севастиски маченици во Банско каде под црквата археолозите открија и остатоци од римски објект датиран од помеѓу 2 и 3 век од новата ера. И покрај тоа што овие два објекти немаат никаква поврзаност археолозите сметаат дека се работи за значајно откриетие кое покажува дека на овој простор имало активност и во римски период. Веднаш до римскиот објект се наоѓа и средновековната некропола во која годинава се откриени нови 18 погребувања.
Дека се работи за важен средновековен објект потврдува и синтроносот во апсидата на црквата што упатува на заклучокот дека бил епископско седиште. Ова за археолозите е посебно значаен податок бидејќи било невообичаено на само 15 км оддалеченост да постојат две различни епископски седишта, едното кај с.Водоча и оваа кај с.Банско.
Црквата посветена на Светите 40 маченици е откриена во 1984 година во минатиот век. После цели 40 години, лани беше извршена конзервација и реставрација на објектот со акцент на обнова и санирање на фугите на ѕидовите. Оваа црква е специфична и по нејзината форма бидејќи е една од ретките во Македонија која е градена во форма на слободен крст.
![](https://antropol.mk/wp-content/uploads/2024/07/452218142_978799097370708_1866299470696327852_n-1024x576.jpg)