УНИЦЕФ: Животите на повеќе од 20 новороденчиња во Ал Акса се загрозени поради недостиг од гориво

Детскиот фонд на Обединетите нации (УНИЦЕФ) предупреди дека животите на повеќе од 20 новородени бебиња се загрозени во болницата Ал Акса во Појасот Газа поради недостиг од гориво.

УНИЦЕФ наведува дека протокот на гориво во Газа, што е под израелски напади, се уште е недоволен.

„Бидејќи не може да се врши редовна испорака на гориво во болницата Ал-Акса во Деир ал Белах, генераторите на кислород ќе бидат затворени и животите на повеќе од 20 новородени бебиња ќе бидат загрозени“, соопшти УНИЦЕФ.

Беше посочено дека на Газа итно и треба повеќе гориво и безбедни коридори за хуманитарните работници да ги извршуваат своите обврски.

Болницата Ал Акса соопшти дека здравствената заштита е прекината поради недостиг од гориво во болницата, а животот на 1. 200 пациенти е во опасност. зш/ .

Извор: МИА