Буркина Фасо, Нигер и Мали најавија повлекување од ЕКОВАС
Буркина Фасо, Нигер и Мали најавија повлекување од Економската заедница на западноафриканските држави ЕКОВАС (ECOWAS), објави Ројтерс.
„ЕКОВАС, под влијание на странски сили и со предавство на своите основни принципи, стана закана за земјите-членки и нивните народи, (…) организацијата не им помогна на нашите земји во борбата против тероризмот и предизвика несигурност“, – се вели во заедничката изјава објавена на страницата на Националниот совет за одбрана на татковината на Нигер.
Покрај тоа, трите земји посочија дека регионалниот блок вовел „незаконски, нелегитимни, нехумани и неодговорни санкции“.
Премиерот на Нигер, Али Махамане Ламине Зеин, назначени од војската на оваа земја, ја обвини ECOWAS за нечесност по неуспехот на преговарачката мисија што се очекува да пристигне во Ниамеј.
Предходно, на крајот на јули 2023 година, војската на Нигер на националната телевизија објави дека претседателот Мохамед Базум бил сменет од власт. Командантот на претседателската гарда, генерал Абдурахман Тчиани, се појави на државната телевизија како шеф на формираниот Национален совет за одбрана на татковината. Водачите на повеќето западни земји и регионалната организација ECOWAS тогаш го осудија државниот удар.
На почетокот на август, учесниците на итниот состанок на началниците на Генералштабот на вооружените сили на земјите од ЕКОВАС, одржан во Абуџа, усвоија план во случај на воена интервенција во Нигер. За возврат, Мали, Нигер и Буркина Фасо потпишаа повелба во септември за воспоставување сојуз на државите Сахел за „создавање колективна одбранбена архитектура“.
