Светска банка: Косово со највисок економски пораст

Косово оваа и следната година ќе има највисок економски раст меѓу земјите од регионот прогнозира Светска банка во јануарскиот извештај. Прогнозите се дека косовската економија во 2024 ќе порасне за 3,9 % и за 4 % во 2025 година.

Во последниот извештај Светската банка наведува дека во 2023 економиите од Западен Балкан биле под влијание на намалена трговска побарувачка, војна во Украина, цените на храната и енергенсите. На економскиот раст како што наведува Светска банка влијае и одложувањето на реформите неопходни за пристапување кон ЕУ.

Глобалниот економски раст како што се вели во извештајот во 2024 ќе биде 2,4 отсто, а во Еврозоната 0,7 отсто.