Хјуман рајтс воч: Израел намерно ги изгладнува жителите на Газа
Американскиот министер за одбрана Лојд Остин и групата за човекови права „Хјуман рајтс воч“ (ХРВ) го критикуваше Израел за зголемениот број убиени цивили и за гладот меѓу Палестинците во Газа.
Остин, кој е во посета на Израел, побара од официјалните лица да го намалат интензитетот на гранатирањето на позициите на Хамас во Газа. Израелскиот премиер Бенјамин Нетанјаху во неколку наврати повтори дека целта на Израел е целосно уништување на Хамас.
Војната го остави Појасот Газа во урнатини и досега загинаа околу 19.000 Палестинци. Нема доволно храна за околу 2,3 милиони луѓе кои живеат во енклавата. Повеќето од цивилите останаа без дом и без пристап до најосновната нега, пишува Ројтерс.
Во извештајот ХРВ ги обвини израелските сили за намерно блокирање на испораката на вода, храна и гориво, уништување земјоделско земјиште и лишување на луѓето од потребите за живот.
„Израелската влада користи метод на изгладнување на цивили како метод на војување во окупираниот Појас Газа“, се наведува во извештајот на ХРВ и „Светските лидери треба да се кренат против ова грозоморно воено злосторство“.
