Западот го покажа своето „вистинско русофобично лице“
- Интервју на министерот за надворешни работи Сергеј Лавров за списанието The International Affairs
Вашингтон и Брисел отворено започнаа хибридна војна против сè што е руско, фрлајќи ги маските по децении глумење цивилизирани меѓународни партнери, рече министерот за надворешни работи Сергеј Лавров во интервјуто.
„Многу од нашите поранешни партнери ја криеја својата русофобична природа под превезот на лицемерието, но сега го покажаа своето вистинско лице. Сепак, тука е и другата страна на паричката, бидејќи Глобалното мнозинство го виде вистинското лице на оние кои отидоа дотаму што тежнееја кон монопол во дефинирањето на таканаречените универзални вредности“.
„Денешниот Запад е управуван од луѓе како Жозеп Борел кои го делат светот на расцутена „градина“ и „џунгла“, каде што второто јасно се однесува на поголемиот дел од човештвото“, додаде Лавров .
Западот помина децении цинично трансформирајќи ја соседна Украина во „непријателски воен бедем против Русија, негувајќи цела генерација политичари подготвени да му објават војна на нашето заедничко минато, култура и се што е руско“, рече Лавров.
Западните престолнини дури и отворено признаа дека постигнувањето мирно решение во Украина никогаш не било дел од нивниот план и дека договорите од Минск првично биле дизајнирани да „купат време за подготовка на воено сценарио и испорака на оружје во Киев“.
„Мислам дека суштинската работа што мораме да ја разбереме во овој поглед е дека Западот сака да ја уништи нашата земја како сериозен геополитички ривал“.
Лавров, исто така, го обвини Вашингтон и неговите сојузници дека ги користат сите можни средства за принуда да ги спречат руските партнери да се вклучат во економска и други видови соработка, и истовремено „вложуваат неверојатни напори да ја исклучат Русија од механизмите за меѓународна соработка во културата, образованието, истражувањето и спортот. ”
Едно нешто што Западот не може да го разбере, е дека „Русија ќе ги искористи сите средства за да го одбрани својот народ и своите витални интереси“, и на тој начин би било подобро за противниците да сфатат дека „конфронтацијата со Русија е залудна“.
