Со корумпирано судство и власт – Држава не се гради

• Фејсбук статус на Тони Стаменковски – Советник од Левица во Општина Делчево

Уште од осамостојувањето Македонија се соочи со предизвици поврзани со корупцијата, вклучително и за корупција во рамките на нејзиниот правосуден систем. Корупцијата во судството го поткопува владеењето на правото, ја нагризува довербата на јавноста и го попречува правилното функционирање на правосудниот систем, со што се руши не само епитетот ПРАВНА ДРЖАВА, туку и интегритетот на самите судии и обвинители.

Во минатото, Македонија беше критикувана од домашни и меѓународни организации за согледаниот недостаток на независност, транспарентност и интегритет во нејзиното судство. Различни извештаи, како што се оние објавени од Транспаренси интернешнал и Европската комисија, ја истакнаа загриженоста за корупцијата и политичкото влијание кое влијае на судството.

Конкретните наводи вклучуваат случаи на поткуп, фаворизирање, непотизам и политичко влијание врз судските одлуки. Овие прашања покренаа загриженост за непристрасноста на судиите и интегритетот на правниот процес во Македонија.

Напори за справување со судската корупција никогаш не беа ставени во прв план на секоја една власт поради тоа што и самите власти се корумпирани. Македонија има спроведено неколку правни и институционални реформи насочени кон подобрување на транспарентноста, отчетноста и независноста на судството но сето тоа само на хартија и без конкретни решенија. На пример, земјата формираше специјализирани антикорупциски тела, имаше на план да ги подобри процесите на селекција и оценување на судиите и воведе мерки за зголемување на транспарентноста во судските постапки но без успех и уште повеќе зголемен процент на недоверба во правниот систем меѓу граѓаните !

Па така, само оваа година бевме сведоци на недоследности во изборот на нов претседател на Судскиот совет на РМ, со исклучени камери за да „ИМАЛЕ“ услови за работа па се до кривични пријави и тужби до Управен суд од член на самиот Судски совет, Амбасадорот на Кралството Холандија ја прекина подршката за Судскиот совет бидејќи се претворил во нелигитимно тело и се гледа корупција во истото.

Истрага за корупција има и за врховен судија и член на Судскиот совет од каде што во обвинителството за организиран криминал се сметале за ненадлежни и предметите ги препратиле на скопското обвинителство каде што тимо
т на Ислам Абази се прогласил за ненадлежен ?!?

Ако сето ова се случува во највисоките инстанци во правниот систем на Македонија, што друго да се очекува од владеењето на правото во основните судови низ републиката каде за пример ќе го спомнеме Основниот Суд Делчево каде претседателот на судот е и единствен судија со огромен број нерешени судски предмети кои седат во фиоките дури и од 2019 година!!!

Справувањето со судската корупција е тековен предизвик и бара постојани напори од различни засегнати страни, вклучително и владата, но поради фактот што најголемите корупциски скандали се токму во власта а власта го контролира судството, единствено нешто што и преостанува на Македонија и нејзините граѓани е на наредните избори да изберат нова власт и нова генерација на политичари кои имаат за цел конечно да ја направат Македонија правна држава, да ја вратат довербата во судството и конечно државата да тргне од оваа мртва точка во која се наоѓа денес.

Единствена партија која во последните години води правни битки против прекршување на законите, оспорување на одлуки кои се против интересите на граѓаните и за зачувување на правниот поредок е Левица, која има за цел единствено спроведување на реформите кои се клучни во борбата против корупцијата и зајакнувањето на владеењето на правото во Македонија.