Доставените „леопарди“ во Киев, направија големи логистички проблеми

Весникот „Форин полиси“ пренесува дека „Тенковите Леопард, кои пристигнуваат од осум различни земји, сите користат различни гранати, што значи дека Украинците не можат да набават муниција во поголеми количини“.

Што се однесува до тенковите Абрамс, кои САД досега само ветија дека ќе ги испорачаат, веројатно ќе бидат потребни месеци пред тие навистина да пристигнат на бојното поле, забележува овој весник.

Според „Форин полиси“, Украина се соочува и со сериозен недостиг од современи системи за противвоздушна одбрана, кои можат да опфатат само неколку градови. Работите да бидат уште полоши, ракетните системи Хок обезбедени од Вашингтон беа испорачани без радар и се практично неупотребливи.

Се вели дека овие проблеми ја забавуваат планираната пролетна контраофанзива на Киев и предизвикуваат незадоволство кај украинското раководство.

Алексеј Данилов, секретар на Советот за национална безбедност и одбрана на Украина, претходно оваа недела се пожали на АП дека некои од земјите кои го поддржуваат Киев „ветуваат едно, а прават сосема друго“. Украинскиот функционер јасно стави до знаење дека „никој нема да оди неподготвен“ во планираната контраофанзива.

Во меѓувреме германски „Велт“ во текстот „Што ја поврзува офанзивата на Украина со тенковската битка кај Курск“ го споредува украинскиот лидер со Хитлер поради постојаното одложување на конфронтацијата и прашува зошто Владимир Зеленски користи „тактика на Вермахтот“.

Весникот потсетува дека на нацистите им требаше премногу долго да се подготват за битката – најголемата тенковска битка во историјата на војувањето – што и овозможи на Црвената армија да ја зајакне својата одбрана и да ги порази.