Захарова: НАТО го воведе концептот на т.н. „заеднички нуклеарни мисии“

• Коментар на официјалната претставничка на Министерството за надворешни работи на Русиjа Мариjа Захарова во врска со изразувањето загриженост од страна на некои западни земји во врска со руско-белоруската соработка на нуклеарната област:

Неадекватната реакција на некои западни престолнини на одлуките во врска со развојот на нашата соработка со Белорусија во воената нуклеарна сфера не може да не предизвика збунетост.

Неспорните факти укажуваат дека токму земјите на НАТО го воведоа концептот на таканаречените „заеднички нуклеарни мисии“ и продолжуваат да го следат со децении. Во центарот на овој концепт е нуклеарното оружје на САД, распоредено во Белгија, Германија, Италија, Холандија и Турција.

Очигледниот факт за доктринарното намалување на прагот за употреба на нуклеарно оружје од страна на Вашингтон во последните години со префрлање на фокусот на „ограничени сценарија“ на нивна употреба е исто така познат за јавноста.

Со загриженост ги забележуваме неодамнешните повици за проширување на географијата на складирање на американските нуклеарни бомби во Европа со промовирање на соодветната инфраструктура до границите на Сојузната држава на Русија и Белорусија.

Во контекст на сеопфатната хибридна војна што Западот ја започна против Русија и декларираната намера на САД и НАТО да ни нанесат „стратешки пораз“, би било наивно да продолжиме да сметаме на целосно отсуство на каква било воено-технички контрамерки од наша страна во оваа област.

Го задржавме и сè уште го задржуваме правото да ги преземеме неопходните дополнителни чекори за да ја обезбедиме безбедноста на Русија и нејзините сојузници.