На видео кое беше доцна објавено вечерва, се слушаат тензии и расправи во струмичко Ново село. Како што се наведува во самата објава, станува збор за закани на обезбедувањето на премиерот Зоран Заев кон советник на опозицијата во Ново Село. Во видеото се слуша дека има сведоци како со смрт се закануваат.
Според информациите од терен, вечерва во Струмица постојано врши патрола заменик-началникот од Струмица заедно со обезбедувањето на премиерот. Кога се случил настанот, обезбедувањето било во придружба на познати локални ликови од струмичкото подземје. Иако полиција подоцна пристигнала на лице место, никакви мерки не биле преземени против лицата коу се заканувале.
Ова е само дел од насилствата кои се случуваат од страна на власта во изминатиов период. Претходно, активисти на кандидатот за градоначалник за Куманово, Максим Димитриевски, објавија комуникација од вибер група каде членови на владејачката партија разменуваат пораки со закани за тепање и насилство кон тимот на Димитриевски.
