(Видео) Проф. Билјана Ванковска за Раша Тудеј: Дали светот е далеку од нова војна – или само пред нова фаза на конфликти?

Професорката по политички науки и меѓународни односи на Универзитетот „Св. Кирил и Методиј“ во Скопје, Билјана Ванковска, гостуваше во интервју за руската медиумска куќа „Russia Today“ (Раша Тудеј), каде што даде своја анализа за моменталната состојба на конфликтот помеѓу Русија и Украина и глобалните импликации од истиот.

Во разговорот со водителката Оксана, Ванковска зборуваше за тоа дали почетокот на дипломатски сигнали меѓу Русија и Украина – најава за можни преговори – значи и намалување на ризикот од поширока воена ескалација во Европа, па дури и можност за нова светска војна.

„Кога Русија интервенираше во Украина, тоа беше претставено како чекор за да се спречи поголема војна на европскиот континент“, потсети Ванковска.

Таа истакна дека, и покрај големата загриженост на меѓународната јавност за проширување на конфликтот, досегашниот тек на настаните покажува дека Западот не е подготвен за отворен воен судир со нуклеарна сила како Русија.

Според Ванковска, моменталните најави за можен дијалог помеѓу Москва и Киев треба да се гледаат со претпазлив оптимизам, бидејќи зад сцената се одвиваат комплексни геополитички игри.

„Сѐ додека клучните актери од Западот продолжуваат да го третираат конфликтот како средство за геостратешко позиционирање, а не како хуманитарна и безбедносна криза, вистинскиот мир останува далеку“, предупреди таа.

Професорката Ванковска е позната по своите критички ставови кон западната надворешна политика, како и по својата посветеност на академски и јавен ангажман во анализирање на меѓународните конфликти од перспектива на малите и маргинализираните земји.

Нејзиното учество во интервјуто доаѓа во време кога воените и дипломатските тензии на глобално ниво остануваат високи, а прашањето за одржлив и праведен мир сè уште нема одговор.

Целото интервју на професорката во продолжение: