(Видео) Македонски Трилер: „Орце, завршната сметка во Кисела Вода и тајната љубов на СДС и ДПМНЕ“

Во државата каде политиката одамна се пресели од Собрание на Социјалните мрежи, а транспарентноста се мери со број на видеа, дојдовме до нова епизода од балканската политичка сага наречена „Криминал и љубов: СДСМ и ВМРО-ДПМНЕ – вечната криминална коалиција“.

На сцената – Општина Кисела Вода. Главен лик – манекенот и инфлуенсер-градоначалник Орце Ѓорѓиевски од ДПМНЕ, кој очигледно ги меша локалната самоуправа со секојдневни фотосесии и видеа во живо на социјалните мрежи. Додека позира со насмевка на социјални мрежи, во реалниот живот неговите сопартијци заборавиле да се појават на гласањето за завршната сметка на општината. Демек, нешто многу битно им се случувало – можеби нова фотосесија, можеби нова нарачка на партиско видео во живо?

Но, драмата не застанува тука. Претседателката на Советот од истата партија, во момент на чиста паника (и веројатно малку срам), ја моли „опозицијата“ – СДС – да ѝ ја изгласа сметката, оти ќе паднеле избори, ќе морале да се трошат пари, да се трча на терен, а и кој ќе му гарантира ново неприкосновено мнозинство во советот на инфлуенсерот Орце?

И, што прави СДСМ – „најголемите борци против режимот“? Па нормално, ја гласаат завршната сметка на ДПМНЕ! Затоа што кога се работи за меѓусебно спасување на фотељите и избегнување избори, партиските „непријатели“ стануваат неразделни љубовници од удобните фотелји на локалната администрација.

А народот? Народот повторно е статист во оваа политичка претстава, во која 35 години го гледа истиот заплет: ДПМНЕ и СДСМ се караат пред камери, а си наздравуваат зад затворени врати.

Оваа епизода од Кисела Вода не е ништо ново. Тоа е само уште еден доказ дека во Македонија има партиски паразити кои менуваат реторика, но не и навики.

А за нас останува прашањето:
Дали Орце ќе сними ново лајв видео на Фејсбук за тоа како му ја спасија завршната сметка, а со тоа и мнозинството во Советот неговите другари од СДС?

Ќе дознаеме во следната епизода од „Македонија: Држава во која СДС и ДПМНЕ се една иста мафија со различни логоа.“

Видеото од случувањата се од емисијата „Саботажа“ може да го погледнете подолу: