Владата распишува тендер за софтвер за оценка на медиумското влијание – можен притисок врз медиумите и самоцензура

Владата на Република Македонија објави тендер за избор на фирма која ќе развие софтвер за оценка на медиумското влијание, кој ќе овозможи оценување на објавените вести според нивната конотација – позитивна, негативна или неутрална. Овој систем ќе следи објави од печатените, електронските, интернет медиумите и социјалните мрежи, со цел да ги анализира реакциите на јавноста и да ги следи трендовите во медиумскиот простор.

Според техничката спецификација објавена на Бирото за јавни набавки, софтверот треба да овозможи веб пристап до објавите 24 часа на ден, со можност за пребарување, обележување на клучни зборови, изработка на извештаи и анализа на медиумските објави. Владата исто така бара податоци за медиумот кој ја објавил веста и авторот на текстот.

„Софтверот треба да обезбеди онлајн квантитативна аналитика и модул за вештачка интелигенција, како и мобилна апликација за сите видови паметни телефони“, се наведува во документацијата за тендерот. Владата бара да се добиваат информации во реално време, најмногу два часа по објавата на веста.

„Анализата на медиумите им овозможува на институциите да ги следат реакциите на јавноста, да предвидат предизвици и да усогласат пораките со очекувањата на засегнатите страни“, изјавија од Владата, нагласувајќи дека софтверот ќе ги помага во креирање на подобри политики и усогласување со потребите на граѓаните.

Иако Владата го објаснува проектот како инструмент за сопствена потреба за анализи, некои експерти и критичари изразуваат загриженост дека овој систем може да има последици на слободата на медиумите. Тие велат дека иако официјалниот став на Владата е дека нема ништо незаконско во тендерот, во позадина може да се крие потенцијален притисок врз медиумите за самоцензура, како и за влијание на јавниот дискурс.

Тендерот е објавен на 5 март, а понудите треба да се поднесат до 4 април.