Тамара Јованов: Власта ги вулгаризира протестите за да одврати што повеќе луѓе од нив

• Објава на социјалните мрежи на Тамара Јованов – Професорка на Економскиот факултет на Универзитетот „Гоце Делчев“, Катедра за менаџмент.

Според дпмне и штабарите им, после Шарена, веќе не смее да има протести, никогаш и од никој, па макар сите живи изгореле во прчијава што ја создадоа!

Од ваков ментален склоп на закоравени, вечно исплашени од промени луѓе, кои со сопственото паразитирање преку партиите ги избркаа различните, прогресивните, чесните, 30 години тонеме во дупка без дно!

И сега, тие таквите бараат отчет кој тоа смее да протестира!? Кој тоа се осудил да се побуни!? Среќа, младоста не се плаши така лесно! Среќа има доволно живот пред себе, за да се осмели да посака промени! Ама вистински!

Оти веројатно им е јасно дека иако непознатото со себе носи ризик од неуспех, сепак посегнување по промената е доблесно, наспроти извесноста и гревот на мирење со трулежот кој им е наметнат! Оти веројатно знаат дека најголем ризик е животот да ти помине, без да преземеш било каков ризик!

И не е важно дали некој ќе проба да ги оцрни заради сопствените фрустрации, дали некој ќе се инфилтрира… колку што е важно конечно да бидат слушнати јасно и гласно! Само напред и без страв! Оти тоа е младоста!