Пожар во Струмица покрај градските гробишта
Голем пожар вечерва избувна во Струмица покрај градските гробишта, јавија локалните медиуми.
Пожарот избувнал во реонот помеѓу населбата Софилар, градските гробишта и се движи кон Баница. Според достапните информации, поради силниот ветер пожарот брзо се шири. Засега нема информации како избувнал пожарот.
Од Противпожарната единица од Струмица е потврдена информацијата, но за причината и деталите рекоа дека ќе бидат соопштени од портпаролот на Пожарната во текот на утрешниот ден.
Според засега достапните неофицијални информации, сите противпожарни екипи од Струмица се на терен, а напомош пристигнуваат и пожарникари од други градови.
