Од Левица-Кисела Вода алармираат за несоодветни услови во детската градинка „Весели Цветови“, каде, според нив, децата престојуваат во небезбедна средина и лежат на оштетени кревети со излезени федери. Обвинуваат и за негрижа и неодговорност од страна на локалната власт, потенцирајќи дека ваквата состојба претставува ризик по здравјето на најмладите и бараат итна реакција и подобрување на условите во градинките.
ФЕДЕРИ ВО КРЕВЕТИТЕ СЕ РЕАЛНОСТ ЗА ГРАДИНКИТЕ ВО КИСЕЛА ВОДА
Градоначалничката на општина Кисела Вода дозволува најмладите да престојуваат во услови кои се далеку од достоинствени. Во детската градинка „Весели Цветови“, децата лежат на кревети со излезени федери – ризик по нивното здравје и безбедност.
Ова не е минато, ова се случува СЕГА.
Прашањето е едноставно: зошто децата се оставени во вакви услови? Негрижата и неодговорноста не смеат да бидат оправдување кога станува збор за најмладите.
Советниците на Левица континуирано се залагаат за зголемување на средствата за градинките и подобрување на условите за најмладите.
Време е за одговорност.
