Македонската академија на науките и уметностите (МАНУ) упатува покана до јавноста за предавање на тема „Жанровите на класичната кинеска поезија“, кое ќе го одржи д-р Игор Радев во вторник, на 7 април 2026 година, од 13:00 часот, во амфитеатарот на МАНУ.
Предавањето ќе понуди научен осврт на класичната кинеска поезија како еден од најзначајните поетски изрази во светската литература, со корени што датираат од XI век п.н.е. Таа се развива во рамките на класичниот кинески јазик и се одликува со строго дефинирани поетски форми и жанрови, тесно поврзани со специфични метрички и тонални правила.
Ќе биде објаснето како древниот кинески јазик и класичниот писмен систем класичен кинески јазик влијаат врз структурата на поезијата, особено преку нејзината аналитичка природа, тоналноста и логографското писмо.
Во рамки на предавањето ќе бидат претставени шесте основни жанрови на класичната кинеска поезија:
Прво, 詩 (ши) – класични песни, најраспространета форма во кинеската поетска традиција, со строга метричка структура и рима, чиј најстар пример е „Книга на песните“ Книга на песните.
Второ, 詞 (ци) – поетска форма која се гради врз постоечки мелодиски обрасци, каде стиховите се вклопуваат во однапред зададени музички рамки.
Трето, 曲 (чју) – жанр поврзан со арии и драмски форми, каде стиховите се прилагодуваат на музички структури, често користени во театарски изведби.
Четврто, 賦 (фу) – рапсодиски форма помеѓу поезија и проза, наменета за рецитирање, со слободно комбинирање на стих и прозен израз.
Петто, 騷 (сао) – елегиски стил инспириран од делото „Скрб разделна“ на поетот Ку Јуан, со карактеристични стиховни структури и емотивен израз.
И шесто, 樂府 (јуе фу) – балади со народно потекло од династијата Династија Хан, првично наменети за музичка изведба, кои подоцна се развиле во книжевна форма.
Предавањето има за цел да ја доближи комплексната структура и естетика на класичната кинеска поезија до домашната научна и поширока јавност, преку анализа на нејзините жанровски и лингвистички особености.
