Претседателот на Хрватска, Зоран Милановиќ, пред две години упати критики за израелските напади во Појасот Газа и ја обвини хрватската влада дека со својата политика застанала на страната на Израел.
Милановиќ изјави дека не се согласува со поддршката што официјален Загреб ја дава на израелската страна во конфликтот и повика на поинаков пристап кон ситуацијата на Блискиот Исток.
Во својата реакција, хрватскиот претседател остро се осврна и на израелскиот дипломатски претставник во земјата, нарекувајќи го „милитантен агитатор“. Според него, ваквиот пристап, како што посочи, е карактеристичен и за дел од израелските амбасадори во други земји.
