Пратеникот од Левица, Борислав Крмов, очекува партијата во следниот период значително да го зголеми своето политичко влијание и во рок од осум до десет години да стане најголема партија на македонската политичка сцена.
Во гостување во емисијата „Студио 10“ на ТВ24, Крмов истакна дека Левица има јасна и принципиелна политика кога станува збор за коалицирање, нагласувајќи дека партијата не склучува предизборни коалиции. Според него, коалициите доаѓаат предвид исклучиво по завршувањето на изборниот процес и тоа само во услови кога Левица би била најсилниот политички субјект.
Ние типуваме да бидеме најголемата партија во било каква идна коалиција. Тој процес, според мене, е забрзан по локалните избори. Би рекол еден до два изборни циклуси, изјави Крмов, одговарајќи на прашањето за времетраењето на растот на партијата и можноста таа да добие поддршка од над 350 илјади гласачи.
Крмов додаде дека Левица ја гради својата стратегија на долгорочен план, со фокус на самостојно политичко дејствување и јасно дефинирани принципи, без предизборни договори со другите партии, вклучително и со ВМРО-ДПМНЕ.
Целата емисија на линкот:
