Помошникот на рускиот претседател за меѓународни прашања, Јури Ушаков, изјави дека преговорите за можно решение на украинскиот конфликт сè уште не довеле до компромисен мировен план, но оцени дека досегашните разговори се „корисни, конструктивни и суштински“.
Неговата изјава следуваше по средбата на Путин со американските претставници Виткоф и Кушнер во Кремљ, за чиј тек обете страни претходно се договориле да остане доверлив.
„Има уште многу работа пред нас,“ нагласи Ушаков, сумирајќи ги резултатите од разговорите, притоа поднесувајќи и низа клучни позиции што биле разгледани на средбата.
Клучни пораки од соопштението на Ушаков:
- Средбата била „многу корисна, конструктивна и содржајна“;
- Биле разгледани повеќе предлози за решение – не само планот на Трамп, туку и уште четири други документи;
- Русија прифатила дел од американските предлози, но за одредени имала критички или дури негативен став;
- Територијалната компонента на конфликтот била дискутирана во Кремљ;
- Компромисен мировен договор не бил постигнат, но некои од американските решенија „изгледаат делумно прифатливи“;
- Двете страни се согласиле да не објавуваат детали поради „тајниот и доверлив карактер на преговорите“;
- Путин испратил „важни политички сигнали“ до Трамп преку американските претставници;
- Контактите меѓу Москва и САД ќе продолжат на ниво на претседателски советници;
- Дијалогот ќе се одржува преку консултации „на ниво на помошници“.
Ушаков истакна дека разговорите ќе продолжат и во наредниот период, но без да се споделуваат повеќе информации за нивната содржина.
Дипломатската размена, иако без конкретен договор, според Министерство за надворешни работи на Русија, покажува дека каналите за комуникација меѓу Москва и Вашингтон остануваат отворени, а процесот на усогласување на позициите е активен.
