Во одморалиштето „Снегири“ крај Москва се одржа Вториот плеум на Централниот комитет на Комунистичката партија на Руската Федерација (КПРФ). На состанокот присуствуваа членови на Централниот комитет и на Централната контрольно-ревизорска комисија, секретари на регионални партички комитети, пратеници на различни нивоа, претставници на младинската организација ЛКСМ РФ, како и делегати од други општествени здруженија.
Состанокот започна со свечена доделба на партиски и комсомолски книшки. Новите членови на КПРФ и ЛКСМ од Москва, Калуга, Владимир, Ростов, Рјазањ и Тула ги добија своите книшки лично од претседателот на Централниот комитет, Генадиј Зјуганов.
Присутните беа информирани и за одлуката на Претседателството на Централниот комитет за овогодинешните добитници на Лениновата награда. Лауреати за 2025 година се: Владимир Вороњин (претседател на Комунистичката партија на Молдавија), Ким Џонг-ун (претседател на Државните работи на ДНРК и генерален секретар на Корејската работничка партија), Сергеј Серебрјаков (генерален директор на „Кировски завод“), кинеската новинска агенција Синхуа и Владимир Чернушенко (уметнички директор на Државната академска капела од Санкт Петербург).
Плеумот разгледа две клучни точки: активностите на КПРФ поврзани со имплементацијата на „Програмата Победа“ и организациски прашања. Зјуганов ја сумираше дискусијата, нагласувајќи ја „стратешката важност“ на програмата и повикувајќи на засилена работа во нејзино спроведување.
Во организацискиот дел беа усвоени четиринаесет комисии и два експертски совета во рамки на Централниот комитет, задолжени за различни сегменти од партиското работење.
Плеумот заврши со свечена церемонија на доделување признанија за партиски активисти и одбележување јубилеи.
