Марјан Димитриев, дипломиран економист и консултант за претприемништво и бизнис развој, е кандидатот на Левица за градоначалник на Општина Аеродром. Роден е во 1992 година, дипломирал на Економскиот факултет при УКИМ.
Своето професионално искуство го градел во банкарскиот сектор, а денес работи како консултант во „ЦБС Интернационал“, водечка регионална компанија за недвижности која е присутна во Македонија, Србија, Црна Гора, Хрватска и Австрија. Неговиот фокус е насочен кон развој на одржливи економски политики и современи решенија што ќе донесат подобри услови за жителите на Аеродром.
Со силна економска основа и практично искуство, Димитриев верува дека преку ефикасно управување и иновативни пристапи може да се создаде модерна, функционална и економски силна општина. Неговата визија е Општина Аеродром да стане пример за локална самоуправа која ќе обезбеди подобри услови за живот на граѓаните, поддршка за малите и средни бизниси, нови можности за младите и транспарентно трошење на јавните средства.
