Левица најави законски измени: ограничен мандат и кривична одговорност за судиите
Лудерот на Левица, Димитар Апасиев, на социјалните мрежи најави законски измени коишто ќе бидат предложени во следниот период од пратеничката група на Левица во однос на судиите:
„Една од причините за внатрешната пропаст на Византија, меѓудругото, е и фамозното слободно судиски уверување кое е непресушен извор на корупција.
Кога на ова ќе го додадете и трајниот судски мандат, вие добивате привилегирана каста која е недопирлива и не ја фаќа закон (не можете да ја тужите и не одговара за ништо)!
Она што ни треба како општество е воведување ограничен судиски мандат (од девет години, по примерот на уставните судии) плус, враќање на југословенскиот модел за кривична одговорност на судиите во случаи на непримена, изигрување или злоупотреба на законите.
И да знаете дека ова ќе биде предложено од нашата пратеничка група во блиска иднина.