АктуелноЛокалноНастани

Јованов: Пазарот треба да биде организиран систем кој ќе му служи на човекот како битие

  • Фејсбук статус на Тамара Јованов:

Логиката на просечен приврзаник на идејата за слободен пазар:

Еден бизнис треба да планира, ама една држава не требало да планира, оти може да му засмета на бизнисот.

Требало да се остави бизнисите да прават што и како сакаат, без интервенции – да им веруваме дека они ќе прават тоа што е најдобро, оти луѓето за себе ќе го бараат тоа што е најдобро?

Притоа, никој не спомнува дека:

1. Човекот докажано не е примарно битие на разум, туку на емоции.

2. Маркетингот ја искривува реалноста и неретко преку манипулација со емоциите и информациите ги наведува луѓето да прават одлуки кои ниту изворно ги сакале, ниту им се потребни.

3. Сопствениците на бизниси (мнозинството) се водени од свои, а не туѓите интереси (примарно профит).

4. Докажано се злоупотребува отсуството на правила на игра и од индивидуи и од компании, само затоа што било можно (човековата природа гарантира нефер игра, ако нема правила).

5. Немилосрдно се уништува и животната средина и човековото здравје и конкурентите… секогаш кога тоа е дозволено.

Дечки, јасно е дека во желба за пари сте спремни во сè да поверувате и веројатно и сè да направите, ама тоа не значи дека треба да ви биде дозволено!

Општеството не треба да е еден голем пазар кој треба да биде на ваша услуга за акумулирање материјално богатство, туку организиран систем кој најдобро ќе му служи на човекот како битие.