Макрон: Да се биде сојузник на САД не значи да се биде нивни вазал
„Да се биде сојузник не значи да се биде вазал. Да се биде сојузник не значи дека веќе немаме право да размислуваме со своја глава. Франција е за статус кво во Тајван, ја поддржува политиката на една Кина и бара мирно решение на ситуацијата“, изјави вчера Емануел Макрон, на прес-конференција во Амстердам.
Оваа изјава на францускиот претседател предизвика бран на недоразбирање во САД и Европа барајќи од Европската унија во главно ги поддржуваат ставовите на Вашингтон по однос за тајванското прашањето.
Многумина ваквите изјавите на Макрон, особено по неговата посета во НР Кина веднаш ги протолкуваа како дистанцирање на Париз од Вашингтон. На неговата изјава реагираше и поранешниот претседател на САД, Доналд Трамп кој кажа „Макрон е наш пријател, а во исто време и се додворува на Кина“.
Емануел Макрон констатираше дека позициите на земјите членки на ЕУ не е иста со онаа на САД.
„Позицијата на Франција и на Европејците за Тајван е иста: ние сме за статус кво. Таквата политика е константа, не е променета“.
Во исто време, Макрон изрази жалење што Доналд Трамп придонесува за ескалацијата на односите помеѓу двете земји и додаде дека нема да ги коментира неговите изјави.
„Додека беше претседател, јас не ги коментирав неговите изјави, па нема да го сторам тоа ни сега, кога тој повеќе не е претседател“, рече францускиот претседател.
