119 години по Илинденското, на Македонија ѝ се случи народно востание – власта не го послуша народот

  • Пишува Ангеле Михајловски, Член на Сектор култура – Левица и Советник во Општина Штип

119 години по Илинденското, на Македонија ѝ се случи Народно востание со реки народ пред Собрание и пред  Влада против ,,францускиот предлог”. Востание со протести и зборови, со масовност, аргументи и ЈАВНО КРЕНАТ ГЛАС место оружје! 

Вие од власта, не го послушавте народот!

119 години години потоа, петиции и петиции за одбрана на македонскиот јазик и историјата, не ви беа доволни за да кренете глас и да речете НЕ. Да им се спротивставите на уцените, кои по секоја цена ,,ве носат” во НАТО! Цената треба да биде добивка, а во вашите ,,математики”, цената е БРИШЕЊЕ на идентитет, на историја, на јазик, на култура и на сè што е македонско!

На она за што се бореа нашите ИЛИНДЕНЦИ, вие му ставивте пепел и го замрсивте со нерешени прашања.

Да се решава ,,чиј е Гоце”, против кого и ,,за што се борел Даме”, кој е окупатор, а кој ,,милум” убивал и масакрирал!

Со кое лице, вие од СДССРМ, денес ,,славите” во Крушево? 

Ја прегазивте историјата со потчинување пред ,,алчните соседи”!

Свиткавте кичми до прекршување и сега ќе се ,,истакнувате” пред Мечкин Камен!

Со која цел, со која етика, со кое лицемерие? Малку ли ви беше ,,Галичник, 2022″ или и да се повтори, вие ќе сте си без осет? 

Народот е против вашите политики, а вие ,,фотки” ќе си правите за да ве има, да не биде дека и сега пак ,,се криете”!

Или денес си правите генерална проба за ,,ветените ви заеднички славја” со Бугарија!?

Македонија ја вративте 119 години наназад! Македонското прашање го вративте век и пол назад, а глумите одење напред! 

Илинден е света работа, како и Македонија. Вие ни ,,с” од тоа немате. Од ,,с” само ,,свиркање” за вас. 

Македонија не е продукт за распродавање! Македонија не е на вересија! 

Македонија е држава.

Македонија е на Македонците.

Илинден е македонска историја. 

Честит Илинден! 

Честити два Илиндена!