Левица: Власта уфрли провокатори за да апси народ

Соопштение на политичката партија Левица

Вечерва, владата на СДС и ДУИ во целост прикажа како се манипулира и демонстрира насилство врз обичен народ!

Министерот Спасовски очигледно го оствари своето сценарио дека ќе се случат радикални сцени – само за да апсат невини граѓани.

Не грижејќи се ниту за граѓаните, ниту за полицијата, Спасовски ги изложи сите во опасност – само за да ги прикаже илјадниците граѓани кои достоинствено протестираат како насилници!

Левица претходно предупреди дека власта ќе уфрли провокатори со фантомки, со цел да се апсат граѓани и да се амортизира револтот кај народот.

И покрај лошите временски услови, илјадници граѓани денес маршираа против новото национално предавство на ДУИ!

Тоталитарниот режим се обидува да ја инструментализира полицијата против сопствениот народ, само за да го спасат неизбежниот пад од власт.

Продолжуваме се до конечниот пад на хибридниот режим!