Ковачев за кривичната на Левица за Георгиевски: Ако го цитирате Ванчо Михаилов, станувате криминалец

„Бугарскиот премиер постојано изјавува дека доколку дојде до промена на ставот на Бугарија, тоа мора да помине преку гласање во бугарскиот парламент. И сега чувствувам дека почнува да се лобира меѓу бугарските пратеници за таква промена при евентуално гласање во Бугарското Народно Собрание за промена на Рамковниот став и Декларацијата на Бугарското Народно Собрание од 2019 година, како и консензусот усвоен од бугарскиот претседател“, изјави европратеникот Андреј Ковачев во програмата „Брисел 1“ за Bulgaria ON AIR.

На прашањето на водителката дали има притисок за промена на кворумот, бидејќи во Националното собрание во моментов има јасно мнозинство за да се потврди актуелниот бугарски став, европратеникот одговори:

„Се пресметуваат различни варијанти за да падне кворумот и со помалку пратеници да го прифатиме овој амандман. Се надевам дека одговорноста што ја имаат нашите претставници во бугарскиот парламент за своите избирачи нема да дозволи вакво отсуство од пленарната сала, што е толку важно за гласање за Бугарија“, рече европратеникот.

Ковачев ја коментираше и веста дека партијата Левица, која има двајца пратеници, го тужи Љупчо Георгиевски, Претседател на здружението “Културен Центар Ванчо Михајлов”

„Очекувам македонската влада во Скопје, како и бугарската влада, да ги заштитат основните човекови права на г-дин Љупчо Георгиевски“, рече европратеникот.

„Поради цитат од Ванчо Михаилов и поради самото име на Ванчо Михаилов… Дали разбирате за што се работи, поради цитат од историска личност некој е даден на обвинител за кривично дело. Ако го цитирате Ванчо Михаилов, станувате криминалец, тоа се случуваше многу јасно во најтешките години на комунизмот и во Бугарија и во Титова Југославија. Но сега кога тврдат дека се демократија, очекувам Бугарите во Република Северна Македонија да бидат заштитени со Владата на РСМ. Очекувам некаква реакција од бугарската влада. Сепак на отворањето беа премиерот, потпретседателот, министерот за надворешни работи, луѓе од бугарското народно собрание, а претседавачот на клубот што го отворија беше нападнат на ваков начин“, рече Ковачев.

Веста е превземена од lokalno.mk