Граѓанската „идеологија“ и „критичка“ мисла

Статус на Реџеп Исмаил – Хактан, член на Президиум на Левица и носител на советничката листа во Град Скопје.

„Покрај, небањати, непеглани, без кошули и машни (граЏански критериум за пристојност) ГЛАВНАТА критика на “неутралното” граЏанство кон Левица е дека нејзините кандидати биле анонимни, односно никој не ги знаел.

Па нормално бе другари, ние сме од работнички семејства, транзициски деца!

Ај што ни ги испокрадивте фабриките, нивите; ни ги окупиравте јавните површини каде ги изградивте вашите палати, кафиќи и луксузни барови и ресторани, до кои не може ни да припариме; ги уништивте нашите реки, езера и шуми за да може вие да уживате по таквите места далеку од нашата татковина, каде ко манги ги трошите испумпаните и украдени буџетски пари; туку ни ја одзедовте и државата, приватноста, културата и традицијата, ни ги одзедовте нашите најблиски, ги осквернавивте нашите песни, ни ја заробивте иднината а ни ја забранивте убавината. Па и не знаете за доста, сакате и душата да ни ја откупите; социјално не маргинализиравте, нормално дека ние ќе сме анонимуси. Впрочем, исто како и класата која го овозможува секојдневното постоење на општеството во целина – онаа производителската/селанската.

Но сепак, сетете се дека генералите се само оние кои ги слави минатото, битките ги добиваат војските во секојдневниот миг на сегашноста и дека тоа ќе биде така и во иднина!“