Левица – Велес: Мостот кај Башино село пред распад и покрај празните ветувања на власта

„И покрај ветувањата за санација на мостот кај Башино село, секоја досегашна власт освен ветување не превземала ништо со цел овој мост да биде безбеден за користење.

Последен во низата е Министерот за транспорт и врски Благој Бочварски од СДСМ, кој пред пет месеци вети итно преземање на неопходни мерки за справување со овој проблем.И покрај укажувањата на експертите од Заводот за испитување на материјали и на Градежниот факултет од Скопје, дека овој мост итно треба да се санира поради напукнати столбови и сериозно оштетување на арматурата од корозија, не е превземено ништо за справување со овој проблем.

Исто така, експертите препорачуваат дека овој мост не треба да го користат камиони со носивост од 40 тони и брзината на движење по овој мост да биде ограничена на 20 километри на час, но по овој мост секојдневно поминуваат стотина тешки товарни возила и брзината на ограничување е 40 километри на час. Велешани заслужуваат искрени политичари што чесно ќе си ја работат својата работа и ќе ги реализираат ветените проекти, а не празни зборови!” – се наведува во реакцијата на Локалниот огранок на Левица од Велес.